Menningarmiðju Dalanna hafa borist 8 ljósmyndir úr safni Péturs Ástvaldssonar. Ljósmyndir þessar eiga það sammerkt að tengjast Breiðabólsstað á Fellsströnd.
Á myndinni hér til hliðar má sjá einn af tryggustu sonum Dalanna, Friðjón Þórðarson á spjalli við Ásgeir Ásgeirsson forseta Íslands er hann heimsótti Dali heim árið 1957.
Hér fyrir neðan má svo sjá hinar ljósmyndirnar sem fylgdu sendingunni frá Pétri en einnig má finna ljósmyndirnar undir myndasafninu hér á síðunni.
Við sem stöndum að Búðardalur.is hvetjum aðra sem eiga til í sínum fórum ljósmyndir sem tengjast sögu Dalanna að senda okkur þær eða upplýsingar í netfangið budardalur@budardalur.is, einnig má finna símanúmer hér á síðunni til að hafa samband.
Þrjár kynslóðir á Breiðabólsstað á Fellsströnd, sumarið 1939. Hjónin Steinunn og Þórður ásamt feðrum sínum og börnum. Í efri röð, talið f.v.: Þorgils Friðriksson frá Knarrarhöfn, Steinunn Þorgilsdóttir, húsfreyja á Breiðabólsstað, Halldór Þorgils Þórðarson, Þórður Kristjánsson, bóndi og hreppstjóri, Breiðabólsstað, Kristján Þórðarson, áður bóndi á Breiðabólsstað. Í fremri röð, talið f.v.: Friðjón Þórðarson, Sturla Þórðarson, Ágúst Kristmanns systursonur Steinunnar, Sigurbjörg Jóhanna Þórðardóttir og Guðbjörg Helga Þórðardóttir. Ljósm. ókunnur.
Feðgar á Breiðabólsstað. Þórður Kristjánsson bóndi og synir hans, Friðjón, Sturla (Lalli) og Halldór (Inni). Myndin er líklega tekin um 1952-53.
Steinunn og Þórður á Breiðabólsstað, í baðstofunni, sumarið 1965. Ljósm. Finn Kristjánsson.
Fjórir bræður frá Breiðabólsstað, yngri bræður Þórðar Kristjánssonar bónda. Frá vinstri: Þorkell Kristjánsson, Reykjavík, Ármann Kristjánsson, Kaupmannahöfn, Óskar Kristjánsson, lengi bóndi á Hóli í Hvammsveit, síðar í Reykjavík, og Hallur Kristjánsson, Reykjavík. Myndin er frá 1965. Ljósm. Finn Kristjánsson.
Þorgilsdætur frá Knarrarhöfn, Steinunn á Breiðabólsstað og yngri systur hennar, talið frá vinstri: Sigríður (f. 1904), Fríða (f. 1909), Helga Soffía (f. 1896) og Steinunn (f. 1892). Myndin er tekin um 1970.
Friðjón Þórðarson sýslumaður ásamt tveimur börnum sínum, myndin tekin í sýslumannshúsinu í Búðardal 1965. Helgi Þorgils 12 ára og Steinunn Kristín 5 ára. Ljósm. Finn Kristjánsson.
Þrír ungir kaupamenn og frændur í eldhúsinu á Breiðabólsstað sumarið 1965. Frá vinstri: Þórður Friðjónsson, Unnsteinn Þórður Gíslason og Magnús Ástvaldsson – allir barnabörn Steinunnar og Þórðar á Breiðabólsstað, synir Friðjóns, Siggu og Nennýjar. Ljósm. Finn Kristjánsson.
Ásgeir Ásgeirsson forseti Íslands, í heimsókn í Dalasýslu. Hér með Friðjóni Þórðarsyni, sýslumanni Dalamanna. Ljósm. ókunnur.
Ummæli Svavars Gestssonar á gömlu heimasíðu Búðardalur.is