Mikil umræða hefur verið um umferðaröryggi og öryggi vegfarenda við Vesturbraut í Búðardal. Um það hefur verið fjallað hér á Búðardalur.is að stórir flutningabílar bruna oft hér í gegn sem og minni bílar líka. Virðist það vefjast fyrir fólki að hámarkshraðinn sé 50 km/klst.
Eitt af því sem hefur verið gert í öðrum bæjarfélögum til að hægja á umferð sem fer í gegn eru svokölluð þéttbýlishlið. Í frumdrögum um umferðaröryggi í Búðardal frá Vegagerð Ríkisins frá því árið 2014 má lesa um útfærslur af þessu hliði. Í drögunum má einnig finna ýmislegt sem nú þegar hefur verið gert til að bæta öryggi við Vesturbraut, drögin má lesa hér.
![](http://budardalur.is/wp-content/uploads/2017/09/Optimized-Thettbylishlid-vid-thjodgardinn-300x212.jpg)
Nú eru hafnar framkvæmdir við eitt slíkt hlið í Búðardal og mun umferðin vera leidd í gegnum hlið beggja vegna þegar komið er inn í þorpið.
![](http://budardalur.is/wp-content/uploads/2017/09/Optimized-2017-09-13-16.42.58-300x225.jpg)